Меџити: Досега никој не бил исклучен од партијата, кога ќе биде донесена одлуката ќе се изјасниме

-Во Чаир вчера имаше се само не чаирчани. Долго време предупредуваме дека не ја препознаваме ДУИ, но од вчера не го препознаваме и лидерот Ахмети – пораките дека ураган ќе не покрие и воз ќе не згази се се, само не пораки за обединување – вели Меџити. Според него,  вчерашниот говор на Ахмети бил идентичен со „касапаната“ на Тачи во 2008-ма. 

Меџити во гостување на Телевизија Клан  ја коментираше и можноста тој ти неговите приврзаници да бидат исклучени од ДУИ. Рече дека досега не се случило некој да биде исклучен од партијата, но, како што посочи, тогаш кога ќе биде донесена одлуката тогаш ќе одлучат како ќе постапат.

-Може дури и да не исклучи. Се шушкаше и дека на митингот јавно ќе не исклучи. Но, ние ќе се изјасниме кога ќе биде донесена одлуката. Засега бараме расправата да се врати таму каде што треба. Во овие 22 години не знам дали исклучил некој. Ако тоа се случи, тоа ќе биде новина во ДУИ и уште еднаш ќе покаже дека ДУИ се сменила, оти не е онаа од минатото. Затоа не верувам во ова. Ќе ја продолжиме нашата борба со аргументи до граѓанинот, до гласачот. Убедени сме дека ќе излеземе како победници, изјави Меџити.

За подадената рака за помирување од Груби, потпретседателот на ДУИ вели дека е „исцеден корен“. Според Меџити, и самиот Груби не верува во тоа што го кажува.

-Заборава дека јас бев ДУИ кога тој беше против ДУИ и кога не беше ДУИ и кога беше во невладината „Разбуди се“, му помогнав… Од една страна подава рака, а од друга го разрешува заменик министерот Башким Хасани. Сменети се државни секретари, директори… го врати чувството на диференцијација, рече Меџити.