Мажи во Италија организирале лажно киднапирање на младоженец на ергенска забава

Девет мажи во Италија се обвинети за кривично дело предизвикување јавна тревога откако учествувале во лажно киднапирање на младоженец за време на ергенска забава.

Лажното киднапирање се случило во градот Трофарело на периферијата на Торино кога мажи вооружени со пушки и облечени во црни шлемови дошле во домот на идниот младоженец, каде што имал ергенска забава. Мажите му ставиле лента преку устата и го ставиле во задниот дел од комбето, пишува The Guardian. Но, трикот на пријателите на младоженецот не одел според планот.

Се преправале дека се терористи, соседите повикале полиција

Мажите се преправале дека се терористи на Исламската држава. Полицијата започнала потера по комбето откако примила голем број повици од загрижените соседи. Постар маж, кој ја гледал сцената од својот прозорец, паднал во несвест.

Низ целата област беа поставени полициски контролни пунктови и започната е потрага за пронаоѓање на „киднаперите“ и нивниот затвореник. Комбето било пронајдено пред куќата на еден од пријателите на младоженецот. Младоженецот кој сè уште бил внатре не бил свесен дека сето тоа е шега, пренесува Torino Today. Полицијата запленила лажно оружје, шлемови, балони и облека со натписи на Исламската држава. Пријателите на младоженецот се обвинети за предизвикување паника.