Маврово и Попова Шапка се најдоа меѓу најповолните скијалишта во Европа
Германскиот туристички портал Travelcircus секоја година врши анализа на 120 скијалишта кои се наоѓаат во Европа, а резултатите за 2021 година покажуваат дека седум од единаесет најдобри се на Алпите, додека најевтини аранжмани нудат Македонија и Украина.
Големи делови од Европа се претвораат во вистинска зимска магија во студените месеци, а планините прекриени со снег секоја година привлекуваат илјадници љубители на снегот во повеќе од 3.600 скијачки региони.
Германскиот портал анализираше 120 најголеми скијачки пордачја во 30 европски земји, од Португалија до Русија и од Норвешка до Грција, и меѓусебно ги спореди.
Истражувањето опфаќа прашања како тоа каде скијачите добивааат најмногу содржини за своите пари, но и која ски-патека е најфотогенична.
Најевтин скијачки одмор за зимата 2021/22 е во Страја, Романија. За 40 евра по ден оваа понуда вклучува хотел, ски-куче и опрема, и е прогласена за најповолна.
Покрај ова руманско скијалиште, постојат уште четири во Европа во кои скијачкиот одмор чини помалку од 50 евра дневни. Со 46 и 47 евра по ден, Маврово – „Заре Лазаревски“ и Попова Шапка во Македонија се исто така прилично евтини во однос на конкуренцијата.
Украина има две скијалишта во категоријата „под 50 евра“: Високи Верх (48 евра по ден) и Тројстан Маунтајн (49 евра по ден).
Апсолутен фаворит за нафотогенична локација е Матерхорн, кој се наоѓа на границата Италија и Швајцарија. Магичното скијалиште „Цермат- Матерхорн“ и хаштагот #matterhorn го красат неверојатни 846.327 објави на Инстаграм.
Во првите пет на Инстаграм фаворите се и Буковел во Украина со 489.000 објави, како и Оре во Шведска со импресивни 460.541 објави, руската Роса Кутор и 4 Валис во Швајцарија.
Според оценката на Travelcircus, седум од единаесет најдобри скијачки подрачја во Европа се наоѓаат на Алпите, а на листата се следните локации: Ски Арлберг (Австрија), Буковел (Украина), Матерхорн (Италија), Мадона ди Кампиљо (Италија, Рука (Финска), Лес Портес ду Солеил (Швајцарија), 4 Валис (Швајцарија), Виа Латеа (Франција), Лес Портес ду Солеил (Франција) и Зиелиец (Полска).