Масовни тестирања за Ковид-19 во домовите за стари лица во грчката област Атика

Периферијата Атика, што го опфаќа поширокиот регион на Атина и Здружението на лекари од Атина, во соработка со Националната служба за јавно здравје на Грција преку мобилните единици, од денеска започнуваат со масовно тестирање во домовите за стари лица, јави дописничката на МИА од Атина.

Префектот на Атика, кој воедно е и претседател на лекарското здружение Јоргос Патулис вели дека нивен главен приоритет е заштита на ранливите групи граѓани, особено на оние кои се згрижени во домовите за стари лица.

Во Солун, во изминатиот период веќе беа регистрирани случаи на ширење на коронавирусот во два дома за стари лица, а починаа над 15 лица.

Во Атина, во карантин е еден дом за стари лица, откако болничарка била позитивна на Ковид-19, а во текот на денешниот ден, ќе се тестираат сите згрижени, како и целиот персонал.