Маск: Ако умрам под мистериозни околности, ми беше мило што ве запознав
Директорот на SpaceX и Tesla, Елон Маск, на Twitter објави мистериозна порака која се однесува на негово евентуално „умирање под мистериозни околности“.
„Ако умрам под мистериозни околности, ми беше мило што ве познавав“, напиша тој на Twitter.
If I die under mysterious circumstances, it’s been nice knowin ya
— Elon Musk (@elonmusk) May 9, 2022
Објавата следи неколку дена по најавата на Маск за купување на Twitter за 44 милијарди долари. Маск беше во преговори со големи инвестициски фирми и поединци со големи нето вредности за преземање на поголемото финансирање за аквизиција на Twitter.
Пред да го објави твитот, Маск сподели објава до руските медиуми од Дмитриј Рогозин, поранешен заменик премиер на Русија и сегашен директор на Роскосмос, во која се наведува дека шефот на SpaceX е вклучен во „снабдување на фашистичките сили во Украина со воена комуникациска опрема“.
.@Rogozin sent this to Russian media pic.twitter.com/eMI08NnSby
— Elon Musk (@elonmusk) May 9, 2022
„И за ова, Елон, ќе бидеш сметан за одговорен како возрасен човек, без разлика колку и да се правиш будала“, пишува во објавата.
Како што е наведено во пораката, испораката на опремата на Starlink е извршена од Пентагон. Во февруари, кога изби руско-украинската војна, SpaceX по барање на Украина ја активира интернет услугата на Starlink.