Манчестер јунајтед е подготвен да плати повеќе од 100 милиони фунти за Санчо

Манчестер јунајтед има намера да го донесе во своите редови напаѓачот на Борусија Дортмунд, Џејдон Санчо. Германскиот клуб ја проценува трансферната вредност на 19-годишниот Англичанец на повеќе од 100 милиони фунти, но Манчестер Јунајтед е подготвен да ја плати таа сума, пренесува „Дејли Мирор“.

Претставниците на Јунајтед контактираа со колегите од Дортмунд за купувањето на Санчо минатата сезона, но тогаш договорот беше невозможен.

Од преселбата од Манчестер сити во 2017 година, Санчо има постигнато 18 голови и 30 асистенции на 68 натпревари за Борусија.