Мала излезност во Брвеница до 9 часот – само 2,46 отсто
Излезноста на предвремените избори за градоначалник на општина Брвеница до 9 часот утринава изнесува 2,46 отсто, односно своето право на глас го оствариле 400 избирачи, информираше портпаролката на Државната изборна комисија (ДИК), Радица Тодоровска-Алексовска.
Во споредба со првиот круг од локалните избори во 2025 година излезноста е помала за двојно.
Гласањето засега тече непречено.
Во Избирачкиот список за изборите во Брвеница се запишани 16.256 избирачи, кои гласаат на 24 избирачки места.
На ливчето има шест кандидати за градоначалник.