Максим Димитриевски еднаш позитивен, па трипати негативен
Центарот за јавно здравје Куманово уште еднаш извршил тестирање на градоначалникот на Куманово, Максим Димитриевски и неговиот тест бил негативен, односно покажал дека не е заразен со коронавирус.
Димитриевски за „Фокус“ изјавил дека сите PCR тестови кои му биле направени досега и од страна на државниот институт и од страна на приватните лаборатории, освен тестот на 12 април, биле негативни. Сепак министерот Филипче на денешниот прес не прецизираше дали кумановскиот градоначалник може да се врати на работните обврски, туку порача да се следат советите и решенијата од здравствениот инспекторат и на епидемиолозите.