Макрон: Ќе биде пропуштена шанса ако не се сретнат Трамп и Рохани во Њујорк

Францускиот претседател Емануел Макрон изјави дека ќе биде штета ако иранскиот и американскиот претседател Хасан Рохани и Доналд Трамп не се состанат за време на седницата на Генералното собрание во Њујорк.

– Важно е Рохани да не ги напушта САД без средба со претседателот Трамп. Ова е пропуштена можност. Бидејќи тој нема да се врати неколку месеци и Трамп нема да замине во Техеран, и затоа треба да се сретнат сега, рече Макрон на состанокот со Рохани и британскиот премиер Борис Џонсон на маргините на Генералното собрание на ОН.

САД се повлекоа од нуклеарниот договор на светските сили со Иран минатата година и оттогаш извршија економски притисок врз Техеран за да престане да ја развива својата нуклеарна програма.

Макрон веќе разговараше со Рохани во понеделникот, во обид да ги намали тензиите меѓу Вашингтон и Техеран и во надеж дека ќе започнат разговори меѓу двете страни.