Македонските фудбалери повторно во фокусот на франкофонскиот печат
Франција– Француските и франкофонските медиуми повторно се огласија по убедливата победа на македонската фудбалска селекција во рамките на квалификациите за светското првенство, јави дописникот на МИА.
Веднаш зад Маншафт, Северна Македонија ја зеде опцијата за учество во плеј-офот со доминација против Ерменија со 5-0, пишува Журнал де Сона и Лоара. Со еден бод заостанување, Романија, која беше „закачена“ 0-0 од Исланд, сè уште може да верува бидејќи во недела ќе се соочи со скромниот Лихтенштајн, додека Северна Македонија ќе биде домаќин на Исланд, продолжува регионалниот весник.
Спортскиот дневен лист Л’Екип, насловува „СП 2022: Русија врши притисок врз Хрватска, Северна Македонија се надева на разигрување, откако ја нокаутира Ерменија“.
– Во групата на Германија, која е веќе квалификувана и осигурена за првото место, Северна Македонија ја елиминира Ерменија од трката за второто место, победувајќи со 5-0. Единствен противник сега за ова квалификациско место за плеј-офот е Романија.
Скор.фр, забележува дека на неколку натпревари имало многу голови, а првиот беше Северна Македонија која доби голема победа во Ерменија со резултат 5 спрема 0. На крајот од мечот кој Македонците го контролираа од почеток до крај, победата беше повеќе од логична. Тоа им овозможува да се искачат на второто место во групата, зад Германија, веќе квалификувана. Со ова место во плеј-офот, Македонија може да се надева на пласман на следното Светско првенство, што би било достигнување со оглед на тоа што никогаш не се пласирале во финале на СП.
За „Африкафутјунајтед“, авторот на хет-трикот против Ерменија, Енис Барди и дозволи на Северна Македонија да дојде до предност над Ерменија со 0-5 на деветтиот ден од квалификациите за Светското првенство во Катар 2022. Така, Северна Македонија си понуди сериозна опција во трката за второ место во групата Ј, синоним за квалификации.
По разочарувањето 0-4 на домашен терен против Германија, Северна Македонија им се врати на успесите, пишува „Африкафутјунајтед“. На гостувањето кај Ерменија, македонската селекција го скрши противникот со чисти 0-5. Ова благодарение на хет-трикот на капитенот Енис Барди (36., 66., 90.). Покрај неговите три гола, во македонската прошетка учествуваа и Александар Трајковски (22.) и Милан Ристовски (79.), кои постигнаа по еден гол. Сега со 15 поени, Северна Македонија привремено го освои второто квалификациско место во групата Ј, кое во меѓувреме го држеше Романија.
За разлика од Енис Барди и неговите соиграчи кои се се поблиску до квалификациите, работите ќе бидат тешки за Хенрик Мхитаријан и неговите партнери кои се уште се четврти (12 поени). Пред квалификациите, Ерменија не само што мора да победи, туку и да постигне повеќе од осум гола во последното коло :
Скор.фр се осврнува и на последниот натпревар на македонската селекција.
– Со големата победа од 5-0 вчера против Ерменија, на Македонците им треба само победа за да обезбедат пласман на следното Светско првенство. Северна Македонија ги постигнува најдобрите квалификации во својата историја со многу офанзивен стил на игра (20 гола во 9 натпревари), а забележано е дури и постигнување на историски мечеви како победата од 2-1 против Германија во третото коло. Нивниот противник Исланд, повеќе не може да се квалификува и нема да учествува на следното Светско првенство. Разочарување за екипа на која веќе не учествуваше на последното ЕВРО. Селекцијата што се бори што ја пропушти својата шанса вчера против Романија (0-0) и затоа нема надеж за пласман. Северна Македонија ќе сака да победи на домашен терен за да го слави со своите навивачи поддржувачи пласманот.
Првите квалификации се блиску за Северна Македонија против селекцијата на Исланд која е во потешкотии. Северна Македонија е нашиот фаворит за овој натпревар, пишува Скор,фр и прогнозира 2:1 за македонските фудбалери.