Македонските фудбалери квалификациите за ЕУРО 2024 ги отвораат против Малта

Европската фудбалска асоцијација (УЕФА) денес  го потврди распоредот на натпревари од квалификациската група-Ц за пласман на Европското првенство 2024 во Германија.

Македонската репрезентација првиот натпревар ќе го одигра на 23 март 2023 година на домашен терен против Малта.

Во второто коло во Скопје ќе гостува Украина на 16 јуни, три дена подоцна (19 јуни) „црвено-жолтите ќе и гостуваат на Англија.

Во септемврискиот прозорец Македонците на 9-ти ќе ја пречекаат Италија, а на 12 септември ќе гостуваат на Малта.

На 14 октомври „рисовите“ ќе и гостуваат на Украина, на 17 ноември на Италија, а на 20 ноември ќе ја пречекаат Англија.