Македонија сигурна како ретко кога, Катар фуриозно победен

Македонските ракометари го победија Катар во еден многу добар натпревар, со голема ефикасност и во кој нивниот триумф не беше доведен во прашање во ниту еден момент. Катар е силна репрезентација, тоа го покажа на мечот со Холандија, но избраниците на Кире Лазаров беа супериорни во мечот. македонија победи со 39-34.

Македонија ја имаше контролата во текот на целиот меч. Во првото полувреме имаше и шест голови разлика беше 20-14. Полувремето заврши 21-17.

Пешевски и Кузмановски постигнаа по шест голови, Костески и Митев дадоа по пет. Кизиќ имаше девет одбрани. Во составот на Катар убедливо најдобар беше Карол кој постигна 12 голови.

Следниот натпревар Македонија го игра против Франција во 20,30 часот.

Во моменталниот поредок, Македонија е на 3.место на табелата со четири бодови и со теоретски шанси за четвртфинале.