Ловците на НАТО летале 250 проценти почесто поради руските авиони
Ловците на НАТО летаа 250 проценти почесто за да пресретнат руски авиони во близина на границите на Алијансата во јули 2026 година во споредба со истиот период минатата година.
Ова се наведува во објава на Командата на здружените сили на НАТО во Централна и Источна Европа на социјалната мрежа X.
„Бројките не лажат! Споредете го јули 2025 година со јули 2026 година – и сликата ќе биде јасна: бројот на борбени летови на источното крило на НАТО се зголеми за повеќе од 250 проценти“, се вели во соопштението.
Наведената причина е тоа што руските воени авиони постојано летале во близина на воздушниот простор на НАТО без план за лет и транспондерски сигнали, поради што авионите на Алијансата морале да полетуваат, пресретнуваат и идентификуваат авиони.
„Секој лет со пресретнување докажува дека сме во состојба на готовност. Секое пресретнување докажува дека воздушниот простор на НАТО е заштитен“, соопшти командата.
Неодамна, полски ловци пресретнаа руски извидувачки авион Ил-20 кој леташе над меѓународните води на Балтичкото Море без план за лет и со исклучен транспондер.
На 31 јули, Полска, исто така, пресретна руски извидувачки авион Ил-20 над Балтичкото Море.