Љубе Бошкоски до Мицкоски: Патувам на сопствен трошок, не сум како тебе

Љубе Бошкоски го повика на ТВ дуел лидерот на ВМРО-ДПМНЕ, Христијан Мицкоски, откако вчера од партијата обвинија дека и Бошкоски е дел од советниците на премиерот Зоран Заев, за странски инвестиции, но без резултати.

-Христијан Мицкоски, деновиве слушам декa криејќи се зад други луѓе си ме прозвал на прес. Ти одговарам подоцна, бидејќи синоќа во Загреб имав состанок со потенцијални инвеститори за обновливи извори на енергија, а денес сум вo Грaц нa сoстaнoк со можни инвеститори во градежништвото и инфраструктурата.Сето го правам на сопствен трошок, бидејќи платата е недоволна за едно патување во странство, но тоа секако не ме спречува да работам за доброто на татковината, без да побарам ниту денар дополнителни трошоци.

И тука ние се разликуваме – во моето дејствување и твоето, се сеќаваш, упорно, бесрамно и невистинито тврдење дека си бил само про-боно советник на Груевски, во време кога тој со над 90 советници трошеше 1,73 милиони евра народни пари. Да е само тоа… Се сеќаваш, за темава, а и други битни нешта, уште пред речиси една година те пoвикaв нa ТВ дебата – пред целaтa мaкедoнскa јавност.Па, охрабри се Мицкоски – излези нa дебaтa сo Љубе Бошкоски! Можеби ќе останат изненадени членовите на ДПМНЕ зад кои сега се криеш, напиша Бошкоски на фејсбук.