Лионел Меси шести пат е фудбалер на годината
Италија – Аргентинецот Лионел Меси после четири години пауза, повторно е избран за фудбалер на годината, според изборот на Светската фудбалска федерација, ФИФА.
Кристијано Роналдо не дојде на гала-церемонијата во Милано, тоа беше најава дека тој не е победник, па остана дилемата дали е Вирџил Ван Дајк или Меси.
Во гласањето учествуваа капитените на репрезентациите од целиот свет, и новинари.
Меси по шести пат е играч на годината, првпат по 2015 година. Во женска конкуренција, признанието го доби Американката Меган Рапино.
Напаѓачот на Барселона, Лионел Меси доби 46 бодови од гласовите на изборот за најдобар играч на годината според ФИФА. Тој доби 379 поени од тренерите, 377 од капитените и 364 од новинарите. Навивачите му дадоа 1.359.728 гласови.
Второто место му припадна на Вирџил ван Дајк од Ливерпул, со 38 поени од гласовите. Во исто време, тој го освои гласот на новинарите (462 поени), втор меѓу капитените (337), трет меѓу тренерите и навивачите (289 поени и 704.235 гласови).
Кристијано Роналдо од Јувентус ги затвори првите три: 307 поени од тренерите, 330 од капитените, 264 од новинарите и 962.919 гласови од навивачите за конечните 36 поени.