(Линк) Од денеска почнете да ги скенирате фискалните сметки за поврат на ДДВ

Со бројни коментари на социјалните мрежи започна проектот за поврат на 15% од ДДВ што го спроведува Управата за јавни приходи.

УЈП утрово на својата веб страница го објави линкот за симнување на апликацијата од Google Play Store за корисниците на Андроид телефони – МојДДВ .

За тие со Ајфони сѐ уште нема апликација.

Денеска, 1 јули, почнува нова владина мерка за намалување на сивата економија со поврат на средства од ДДВ остварени преку секојдневниот промет на сметките на граѓаните и домаќинствата. Затоа од денес може да започнете да ги скенирате фискалните сметки преку посебната мобилна апликација „Мој данок“ зад која стојат Министерството за финансии и УЈП.

Апликацијата „Мој данок“ ќе може да ја користат сите кои се регистрирани преку електронскиот систем е-Персонален данок. Истата е достапна за Android платформата од Play Store преку следниот линк.
Оваа можност за поврат на дел од ДДВ-то ќе биде достапна за сите граѓани на Република Северна Македонија кои имаат наполнети 15 години, кои се регистрирани или ќе се регистрираат на системот на УЈП, и кои од 1 јули ќе ја преземат одговорноста редовно да си ги земаат фискалните сметки на продажните места, а потоа и да ги скенираат преку мобилен телефон.
Целта на мерката е да се вратат дел од средствата на сметките на граѓаните, но и самите тие да го подобрат даночниот систем со тоа што ќе бараат фискални сметки од трговците или за извршените услуги.