Лидерот на Херсон, назначен од Кремљ, побегнал во Русија

Водачот на окупираниот Херсон, инсталиран од Москва, наводно побегнал во Русија, еден ден откако Киев објави дека го започнал долгоочекуваниот контранапад со цел да го врати јужниот регион од руските сили.

Кирил Стремусов, кој беше назначен за заменик-шеф на воено-цивилната администрација во Херсон, поддржана од Русија, објавуваше редовни ажурирања од Херсон до државните руски вести и неговиот профил на Телеграм.

Но, украинскиот активист, Серхи Стерненко, тврди дека Стремусов повеќе не е во Херсон и всушност го снимил видеото некаде во близина на катедралата Благовештение во Воронеж во Русија, што може да се види во позадина.

Воронеж е речиси 800 километри од Херсон и околу 200 километри од границата со Украина.

Во серија твитови, Стерненко напиша:

Предавникот на Украина и соработникот Стремусов избега од Херсон и вели дека Херсон засекогаш ќе остане руски… од Воронеж во Русија“.

Тој тврди дека Стремусов ги снима своите видеа од хотелот „Мериот“ во Воронеж.