Левица прати писмо до ЕУ за клубовите со имиња на фашистички соработници


Левица испрати отворено писмо до институциите на ЕУ со кое бара да престане трендот на отворање клубови кои носат имиња на фашистички дејци, со цел рехабилитација и глорификација на фашизмот и нацизмот во нивните современи облици.

„Имајќи ги во предвид резолуциите на ОН како највисок орган во светската политика кои ја осудуваат секоја форма и појава на фашизам и нацизам, како и Резолуцијата за подемот на неофашистичкото насилство во Европа донесена од страна на Европскиот парламент во 2018 година од една страна, како и молкот и изјавите на претставници на институциите на Унијата кои во изминатиов период активно учествуваат, го набљудуваат и оценуваат односот помеѓу Република Бугарија и Република Македонија, Левица образложувајќи ги дејствијата во Македонија од бугарска страна, бара највисоките и релевантни институции на ЕУ да го обелоденат нивниот став по ваквите случувања и јавно да ги осудат дејствата на Бугарија за промовирање и поддршка на здруженија кои глорифицираат нацистички соработници со антисемитска, фашистичка и антимакедонска идеологија во трета земја преку злоупотреба на нејзините права на вето како земја-членка на ЕУ“- стои во писмото.