Левица поднесе предлог-закон за кривична одговорност на судиите

07/02/2025 11:06
Амар Мециновиќ

Пратениците на Левица поднесоа предлог-закон за дополнување на Кривичниот законик со кој предлагаат воведување на кривична одговорност за судиите. Според портпаролот на партијата, Амар Мециновиќ, јавноста долго време го чека овој предлог-закон поради општата недоверба во судството и сегашната правна несигурност.

Се предлага во Кривичниот законик, по членот 353 в, да се додаде нов наслов и член кој гласи кршење на законот од страна на судии.

-Согласно Уставот, секој е должен да ги почитува законите и Уставот, вклучувајќи ги и носителите на трите власт. Судската власт има клучна улога во обезбедувањето на владеењето на правото. Ова решение е потребно бидејќи предолго во Македонија никој не поведува одговорност за тоа што граѓаните го мислат и тоа што не носи до погубни резултати. Овој закон не е против судството, туку против корупцијата во судството, рече Мециновиќ на прес-конференција во Собранието.
 

Мециновиќ смета дека како позадина на иницијативата на владеачкото мнозинство за разрешување на членовите на Судскиот совет стои идејата за „судството да се испопика со нивни подобни судии и судии од тефтерчето“.

Поврзани содржини

Орхан Муртезани на средби во Атина
Британскиот премиер ќе биде следниот домаќин за Берлинскиот процес за Западен Балкан
Власта поднесе интерпелации за членови на Судскиот совет
ДКСК ќе истражува како татко му на Андоновски станал советник на Мицкоски, а брат му – началник во АНБ
Филипче: Дали власта се откажа од Планот за раст вреден 800 милиони евра?
Калајџиев за разрешувањата во Судскиот совет: Откако дојдоа на власт безобѕирно форсираат свои луѓе
Реакции: Не се прават судски реформи под диктат на партиите!
Георг Георгиев: Македонија има проблем со Брисел, а не со Софија

Најчитани