Лепа Брена направи „бум циле бум“ во Крива Паланка

Крива Паланка синоќа живееше една од оние ноќи што не завршуваат со последната песна, туку остануваат да се паметат. Илјадници луѓе, преполн Градски стадион, музика и моќна енергија ја создадоа сликата на една незаборавна ноќ. На големата сцена, Лепа Брена, Ацо Пејовиќ и Слаткар приредија музички спектакл исполнет со хитови, емоции и атмосфера што долго ќе се памети.

Од предизвикот што го донесе невремето до спектакуларната завршница, Крива Паланка покажа подготвеност, организација и гостопримство, пречекувајќи голем број посетители од земјава и регионот.

„По сè што поминавме во изминатите два дена, оваа слика вреди повеќе од илјада зборови. Најважно беше сите услови да бидат безбедни, а потоа Крива Паланка да го добие настанот што го заслужува. Благодарам на публиката за трпението, довербата и прекрасната енергија. Крива Паланка покажа дека знае да биде вистински домаќин“, изјави градоначалникот Сашко Митовски.

Една сцена. Илјадници гласови. Една незаборавна Крива Паланка.

Музичкиот спектакл ја заокружи големата празнична атмосфера во градот и остави слики и емоции што уште долго ќе се паметат и раскажуваат.