Лепа Брена го шармираше Скопје: Јас сум реклама на моите производи (фото)

Отмена, природна во однесување, професионална, љубезна за фотографирање, ама отсечна за бакнување – Лепа Брена дојде во Скопје да ги рекламира своите хулахопки „Лејди Б“ во парфимеријата  “Cosmos“ во ТЦ „Зебра“ и направи хаос како регионална фолк ѕвезда и луцидна бизнисменка. Затоа што и на 63 години, што и да направи, претвара во злато- од музика, песни, мода, а сега како дама за дамите со новите производи за подобар изглед со кои ќе го освојува Балканот. По Белград, денес Скопје, па во Софија и до крајот на годината во Загреб. 

„Лејди Б“ хулахопките од 20, 40 и 70 ден, се технолошки најнапредниот производ на регионалниот пазар, кој содржи хијалуронска киселина и златни наночестички во ткаенината.

„Она што јас го носам на настапи, гала настани и на патувања, им го препорачувам за сите жени. Моите хулахопки се нежни и силни како жените“, порача денес Лепа Брена пред новинарите во Скопје. 

Самиот производствен процес траел цели 3 месеци, целата подготовка- две години, а идејата започнала уште за време на пандемијата. Специјалната патентирана ткаенина доаѓа од Шпанија, а самото производство се одвива специјално за „LADY B“ во Италија во фабрика која повеќе од 50 години ги произведува најквалитетните чорапи во светот.

 

Компанијата постои веќе една година. Во Скопје засега е достапна  колекцијата „Селебрити“, а во наредниот период ќе пристигне и новата линија „Лејди Б иновејшн“ која се состои од три колекции „Фир“, „Меџик“ и „Флај“. 

Колекцијата „Елеганс“ е наменета за дамите со изразени облини.  За претстојните зимски денови, се препорачуваат Термал хулахопките. (Л.С.)