Лејкерси го нокаутираа бранителот на титулата во НБА, „Мајами“ во финалето на Истокот

Кошаркарите на „Лос Анџелес Лејкерс“ го нокаутираа бранителот на титулата во НБА, „Голден Стејт Вориорс“ во второто коло од овогодинешниот плеј-оф. Лејкерси ги надиграа Вориорс со 122-101 во шестиот натпревар на домашен терен и на тој начин се пласираа во финалето на Западната конференција со победа од 4-2.

Лејкерси доминантно стигнаа до решавачката четврта победа, водеа со 27-10 на почетокот на мечот и во ниту еден момент не дозволија гостите да поведат. Згора на тоа, во средината на четвртата четвртина имаше максимални 24 разлика (106-82), а остатокот од дуелот беше само формалност.

Феноменалниот 38-годишен Леброн Џејмс повторно ги предводеше Лејкерси до победата со 30 поени, 9 скока и асистенции. Џејмс имаше одличен помошник во Остин Ривс, кој покрај 23 поени собра 6 скока и 5 асистенции, а одличен под обрачите беше и Ентони Дејвис со 17 поени и дури 20 скока. Во игра се обиде да ги задржи Вориорси само Стивен Кари, кој застана на 32 коша, а единствени расположени соиграчи му беа Донте ДиВинченцо, кој додаде 16 поени и Кевон Луни, кој исто така влезе од клупата и придонесе со 18 скокови.

Иако двата тима погодија по 13 тројки, Лејкерси многу поефикасно го искористија ударот од далечина бидејќи стигнаа до тие 13 тројки од 26 обиди, додека на Вориорс им беа потребни 48 обиди.

Лејкерси, кои беа на дното на Западот во лигашкиот дел од сезоната, а влезот на турнирот „плеј ин“ го добија во финалето, во плеј-офот ја одиграа најдобрата кошарка во сезоната, а следни противници ќе им бидат првите носители на Западот, „Денвер Нагетс“, кои во конференцијата го добија финалето ден порано победувајќи го „Феникс Санс“ со 4-2.

За Вориорс, шампиони во 2015, 2017, 2018 и 2022 година и финалисти во 2016 и 2019 година, ова е прв пораз од тим од Западот откако Стив Кер го презеде тимот. Поради големи проблеми со повреди, Вориорс не се квалификуваа ниту за плејофот во 2020 и 2021 година.

Пласман во финалето на Истокот изборија играчите на „Мајами Хит“, кои во шестиот натпревар на домашен терен ги совладаа „Њујорк Никс“ со 96-92 и така славеа и со 4-2.

„Мајами“ го издржа фантастичното влегување на „Њујорк“ во игра, гостите во првата четвртина поведоа со 31-17 благодарение на одличниот шут. Но, кога гостите беа сопрени со шут, домашните ја избришаа негативата веќе во втората четвртина, додека второто полувреме мина во изедначена игра.

Последната шанса Никс ја добија на половина минута пред крајот кога имаа напад при водство на Хит од 92-90.

Џими Батлер со 24 кошеви и 8 скока и Бам Адебајо со 23 асистенции и 9 скока повторно беа најдобри кај „Мајами“, додека уште една одлична партија на Џејлен Брунсон кој застана на 41 поен не беше доволна за „Њујорк“, Џулиус Рендл додаде 15 поени и 11 скока.

Така „Мајами“ по трет пат во последните четири сезони стигна до финалето на Истокот, во 2020 година го загуби големото финале од Лејкерс, додека лани загуби со 4-3 во финалето на Истокот од „Бостон Селтикс“.

„Бостон“ и годинава би можел да му биде противник во финалето на Источната конференција бидејќи „Мајами“ го чека подобриот од седмиот натпревар меѓу „Селтикс“ и „Филаделфија“ кој е закажан за в недела во Бостон.

„Мајами“ настапот во плеј-офот го доби преку „плеј ин“ и тоа во вториот обид. Најпрво загуби од „Атланта“, за во финишот на мечот да направи пресврт на играта против „Чикаго“ и да победи во мечот со првиот носител на Истокот, „Милвоки“, во првото коло.

Џими Батлер влезе во одлична форма во вистинско време и пред се благодарение на него, „Мајами“ стана само вториот осми носител во историјата кој стигнал до финалето на конференцијата. Досега тоа му успеа само на „Њујорк“ во 1999 година.