Лавров: Создадете палестинска држава
Русија се надева дека по завршувањето на горливата фаза на конфликтот, сите сериозно ќе ја сфатат обврската да ја исполнат одлуката на ОН за создавање палестинска држава.
Ова го изјави шефот на руската дипломатија Сергеј Лавров на состанокот на министрите за надворешни работи на Комонвелтот на независни држави во Бишкек.
„Многу се надеваме дека штом конфликтот ќе заврши и се залагаме тоа да се случи веднаш, сите сериозно ќе ја сфатат обврската да ја спроведат одлуката на Советот за безбедност на Обединетите нации за формирање палестинска држава врз принципите одобрени од ОН“, изјави Лавров на новинарите.
Министерот нагласи дека Израел и Палестина треба да го почитуваат хуманитарното право и да се воздржат од неселективна употреба на сила.
Според неговите зборови, министрите за надворешни работи на ЗНД разговарале за конфликтот меѓу Израел и Палестина и сите тие едногласно се за прекин на огнот и преговори меѓу конфликтните страни.
Лавров додаде дека министрите за надворешни работи на членките на ЗНД би можеле да ја разгледаат можноста за договор за заедничка позиција за ескалација на конфликтот на Блискиот Исток.
Претходно рускиот претседател Владимир Путин на седницата на Руската енергетска недела оцени дека без решавање на фундаменталните политички прашања околу формирањето на палестинската држава не може да се регулира ситуацијата што доведе до ескалација на насилството.