Ламборџини на руска манекенка обложен со 2 милиони кристали Сваровски тешко оштетен на паркинг, се трага по сторителот

Англија- Црното Lamborghini Aventador, обложено со два милиони кристали Сваровски, е сериозно оштетено во инцидент во Лондон.

Автомобилот вреден 500.000 долари, кој има максимална брзина од 217 милји на час, е во сопственост на руската манекенка Дарија Радионова.

Во изјавата за Инсајдер, менаџментот на Радионова вели дека „сите се шокирани по овој страшен инцидент“.

Тие додадоа дека Дарија не била во паркираниот автомобил додека се случила несреќата .

Тие додаваат дека возилото претрпе оштетувања на задниот дел . Сторителот побегнал.

Радионова понуди награда од 5.000 фунти (6.722 долари), преку порака на Инстаграм, на секој што може да и ги даде податоците за регистарските таблички на синиот Воксхал Зафира, другото возило вклучено во несреќата.

Весникот „Ивнинг стандард“ пишува дека судирот се случил додека возилото со скапоцени камења било паркирано во луксузниот кварт Кенсингтон во Лондон. Радионова наводно не била во автомобилот.

Весникот наведува дека таа напишала на својот Инстаграм: „Се надевам дека кармата ќе те плесна во лице пред јас“, наводно како одговор на несреќата.

Екстравагантното купување на Радионова се најде на насловните страници во 2019 година, при што Форбс објави за Cars in Cloaks – компанијата што ги обвиткува возилата во кристали – рече „Ако Брус Вејн беше девојче, ова ќе беше неговиот автомобил“.

Радионова може да се пофали и со сребрен Мерцедес од класата Ц, кој го обложила со еден милион кристали Сваровски во 2014 година. (Инсајдер)