Лајен: Утре договор за 300 милиони дози од најперспективната вакцина


Претседателката на Европската комисија Урсула фон дер Лајен соопшти дека Европската комисија на утрешниот состанок на сите комесари ќе одобри договор за набавка на најмногу 300 милиони дози од вакцината што ја развија германската компанија „Бајонтех“ и американската „Фајзер“.

– Ова е најперспективната вакцина досега. Кога оваа вакцина ќе стане достапна, нашиот план е да ја примениме брзо насекаде во Европа, истакна фон дер Лајен.

Таа потенцираше дека ова е четврти договор со фармацевтски компании за набавка на вакцини за Европа.

– Ќе има уште затоа што треба да имаме широк асортиман на вакцини засновани на различни технологии. Безбедна и ефикасна вакцина е нашата најдобра шанса да го победиме корона вирусот и да се вратиме на нашиот нормален живот, изјави фон дер Лајен