ЛА Галакси стана шампион во МЛС по рекорден шести пат

Екипата на Лос Анџелес галакси ноќеска го победи Њујорк ред булс со 2:1 во финалето на плејофот на американската лига – МЛС.

Џозеф Пејнтсил и Дејан Јовелиќ беа стрелци на головите за домаќините, Шон Нилис погоди за Њујорк.

Лос Анџелес Галакси по шести пат го освои фудбалското првенство на САД. Ова е рекорд меѓу тимовите во лигата. 

Претходно, тимот последен пат ја освои титулата во 2014 година.