Куќен притвор за Јасна Мандиќ


Куќен притвор за потпретседателката на Меѓунаротдниот сојуз Јасна Мандиќ која е осомничена за измама и перење пари во проширената истрага за случајот „Рекет“, синоќа определи судија на претходна постапка по предлог на Обвинителството за гонење на организиран криминал и корупција.

Адвокатот на Мандиќ, Душко Јанковиќ, синоќа изјави дека барањето на Обвинителството била ефективна мерка притвор, но, како што рече, согласно постоечката состојба и тежината на обвинението како и на лични и семејни прилики, одреден и е куќен притвор. Тој рече дека за нив ова е прифатливо решение, бидејќи како што појасни, во овие постапки се подразбира определување мерка притвор.

Обвинителката Вилма Рускоска по исказот на Мандиќ во Кривичен, кажа дека кај тројца осомничени во проширената истрага е определен налог за претрес. Таа информираше дека има „битни докази“ за обвинението за Рекет, кое утре ќе биде поднесено.

Обвинителката посочи и дека еден од осомночените побарал спогодба за првиот дел од истрагата за кој утре ќе има обвинение.

За пратеничката Фросина Ременски, Русковска рече дека се определени мерки на претпазливост, односно одземање на патна исрпава, забрана за напуштање на престојувалиштето и еднаш неделно да се јавува во судот.

На прашање како излегле документите од Обвинителството, таа рече одговорно тврди дека документите не се излезени од Обвинителстото, затоа што се гледало на снимките дека се сликани копии.

-Во Обвинителстовто се оригиналните документи. Копии Обвинителтвото достави до Судот на 15 јули кога се бараше предлог за притвор на двајца осомничени, потоа дел од докази кога се бараше продолжување, како и дел од доказите кога се бараше определување на мерка притвор за јавен обвинител. И може убаво да се види дека тие документи што излегоа се од копии.Така да одговорно тврдам дека не се излезени од ЈО, рече Русковска.

Во однос на притворените за случајот Рекет, обвинителката рече дека заедно со обвинението денес ќе побара продолжување на притворите.