Kryetari i Komunës së Gostivarit, Arben Taravari uron “Ditën e Flamurit”

Kryetari i komunës së Gostivarit, Arben Taravari, me rastin e Festës së Flamurit 28 Nëntori ka uruar të gjithë shqiptarët kudo që janë.
“Kombi është baza e identitetit të çdo njeriu! Duke dashur shumë kombin tënd, atëherë je i gatshëm të respektosh kombet tjerë! Për ne shqiptarët, sot është festa e flamurit tonë kombëtar! Është një ditë të cilën e kemi festuar dhe do të vazhdojmë ta festojmë, si më të shtrenjtën e ditëve. Gëzuar Ditën e pavarësisë, Shqipëri! Gëzuar Ditën e Flamurit, shqiptarë! Gëzuar 28 Nëntorin! Ju pafsha gjithnjë duke festuar!”, thuhet në urimin e Taravarit.