Крвава прослава на титулата: Еден загина, најмалку 10 повредени во пукотница на собир за Супербоулот во Канзас Сити
Едно лице загина, три се во критична состојба, пет се во тешка состојба, додека едно е надвор од животна опасност во пукање со огнено оружје на собир на победниците во Супербол – Канзас Сити, соопшти локалната полиција.
Полицијата во Канзас Сити објави дека биле регистрирани пукотници во близина на станицата Унион, каде што само неколку моменти претходно играчите на Канзас Сити – Чифс (американски фудбал) им се обратиле на навивачите.
„Секој кој е во близина треба да ја напушти областа што е можно побрзо за да го олесни пристап на медицински тимови за жртвите од пукањето“, објави полицијата на X, поранешен Твитер. Полицијата соопшти дека „две вооружени лица“ биле приведени по инцидентот.
BREAKING: At least 10 people shot near Kansas City Chiefs victory parade route, authorities say:
• 1 killed
• 3 in critical condition
• 5 in serious condition
• 1 non-life-threatening injurieshttps://t.co/w3OLBGyBqe— NBC News (@NBCNews) February 14, 2024
Првичните извештаи покажаа дека најмалку десет лица се повредени, но тој број се зголеми на 15, додека еден беше убиен во страшно пукање на прославата откако Канзас Сити Чифс го одбрани трофејот Ломбарди со победата над Сан Франциско Фуртиенерс со 25-22 во Супербола LVIII.
Според достапните информации, двајца напаѓачи почнале да пукаат во близина на „Унион станица“ околу 15:30 часот по локално време.
#WATCH: Moment when shots were fired near Union Station at Super Bowl victory parade in #KansasCity, #Missouri.#Shooting pic.twitter.com/37FyyIjFAR
— The Watcher 🌎 (@TheWatcherDaily) February 14, 2024
Полицијата ја евакуираше железничката станица бидејќи големи групи луѓе панично бегаа по пукањето, а се очекуваше до милион луѓе да присуствуваат на парадата во Канзас Сити.
Двајца напаѓачи се уапсени, нивните мотиви и идентитет се уште не се познати.
Извештаите покажуваат дека во трагичната прослава биле повредени и неколку деца кои итно биле пренесени во блиската детска болница Мерси.
🚨🚨 UPDATE: New video footage shows the moment when people were running away once they heard shots fired! #Kansas #KansasCity https://t.co/tVhrjgmL3T pic.twitter.com/QGq65g6MT7
— Military Overload (@MilitaryOV) February 14, 2024
На директниот пренос на телевизијата КСХБ 41, на споменатата локација, каде се одржа прославата, можеше да се забележи толпа народ. На снимката се гледа како поединци прескокнуваат бариери во обид да избегаат од местото на настанот.