Крузерот во Венеција имал механички проблем


Меѓународната бродска компанија „МСЦ“ тврди дека нивниот брод „Опера“ кој денеска удри во многу помал туристички брод, имал механички проблем додека застанувал на патничкиот терминал во Венеција.

Италијанските медиуми јавија дека во судирот на крузерот и туристичкиот брод се повредени најмалку четири лица, од кои две се префрлени во болница, а противпожарната служба на Твитер соопшти дека ситуација е под контрола.

Компанијата соопшти дека моментално соработува со властите за се утврди што точно се случило.

Според распоредот, бродот на 26 мај отпловил од Венеција и ги посетил Котор, Миконос, Санторини и Крф, а потоа денеска повторно се вратил на појдовната станица.