дома Македонија Кривични пријави за журките во Охрид

Кривични пријави за журките во Охрид

Против неколку сопственици на угостителски објекти на плажите во Градиште ќе бидат поднесени кривични пријави поради воочени неправилности и непочитување на здравтевните протоколи, најави Пазарниот инспекторат.

За време на контролите извршени викендот, инспекторите затекнале преголем број луѓе на мал простор кои не држеле дистанца помеѓу себе.  И на социјалните мрежи викендов се споделуваа фотографии од Охрид на кои можеше да се забележи дека не се почитуваат протоколите и мерките за заштита од корона вирусот.

„Во овој продолжен викенд, заедно со колегите од Скопје и од одделението во Гостивар, со петнаесет инспектори направени се 75 надзори во 2 дена. На подрачјето на Охрид имаме 2 кривични пријави по членот 206 од Кривичниот Законик конкретно за журки во Градиште, на плажите два и три. На подрачјето на Струга во кафуле покрај Дрим постапивме, но наидовме на попречување па полицијата се вмеша во случајот и се преземаат дополнителни мерки”, велат од Пазарниот инспекторат одделение Охрид,