Кремљ: Црното Море никогаш нема да биде море на НАТО

Црното Море никогаш нема да биде море на НАТО, тоа е заедничко море, таму мора да има неделива безбедност, изјави за новинарите портпаролот на Кремљ, Димитриј Песков.

„Црното Море никогаш нема да биде море на НАТО. Тоа е заедничко море на сите приморски држави и треба да биде море на соработка, интеракција и безбедност. Во исто време, тоа мора да биде неделива безбедност“, порача Песков.

Портпаролот на Кремљ исто така истакна дека Москва смета дека НАТО и демилитаризацијата се поими кои се меѓусебно исклучувачки.

Претходно, министерот за надворешни работи на Украина, Димитриј Кулеба, повика Црното Море да се претвори во „НАТО море“, истовремено изјавувајќи дека е неопходна негова демилитаризација.