Ковачевски ја нападна Бугарија, се однесувала кон Македонија како Русија спрема Украина

Северна Македонија е меѓународно признаена како функционално модерно мултиетничко општество каде што се почитуваат сите права. Сите извештаи го потврдуваат тоа. Обвинувањата наведени на овој Самит од страна на претставникот на Бугарија се целосно неосновани и доаѓаат од земја која што не ги почитува пресудите на Европскиот суд за човекови права и стандардите на Советот во областа на човековите права. Ова го истакна премиерот Димитар Ковачевски на генералната дебата „Обединети за Европа“ на Самитот на Совет на Европа во Рејкјавик.

„Дискурсот кој се користи од Бугарија кон Северна Македонија за жал е многу сличен на дискурсот кој Руската Федерација го користи кон Украина. Неприфатливо е таквите обвинувања да се злоупотребуваат за политички цели особено во овој клучен период за иднината на Европа“, посочи Ковачевски.

Северна Македонија и Албанија, како што посочи македонскиот премиер, заслужуваат да продолжат напред и заедно затоа што кога соседите се движат напред и останатите се движат напред.

„Не смееме да дозволиме влијание од трети страни, особено не од Русија и во срцето на Балканот, што е срцето на Европа“, додаде Ковачевски.

Тој посочи дека Северна Македонија целосно ја поддржува декларацијата на Самитот и сите анекси и верува дека тие обезбедуваат солидна агенда за решавање на проблемите.

„Со нашите партнерски организации особено ЕУ, особено решавањето на грижите и проблемите што ги споделуваме. Како претседавач со ОБСЕ и членка на НАТО ќе продолжиме да ја покажуваме нашата цврста посветеност на мултилатерализмот и нашата посветеност особено кон Украина, како што правевме и досега“, кажа Ковачевски.

Потпретседателката на Бугарија, Илијана Јотова, која е на чело на бугарската делегација, претходно на една од тркалезните маси од десетина шефови на делегациите рече дека „сѐ повеќе политичари си дозволуваат да зборуваат за човековите права како застарена или луксузна политика. Затоа, мора да бидеме особено внимателни кога се соочуваме со нетрпеливост, непочитување на етничките права и дискриминација“. И При тоа, како што се наведува во соопштението од претседателскиот кабинет, таа ги „запознала учесниците на тркалезната маса со систематското газење на правата на Бугарите во Република Северна Македонија“.

Премиерот порача дека се собрале во Рејкјавик за да покажат единство, солидарност и посветеност на заедничките вредности во областа на демократијата, човековите права и владеењето на правото соочени со невидената агресија против земја членка Украина.

„Руската агресија против Украина е очигледно кршење на меѓународното право како и еден остар потсетник за последиците од целосното непочитување на поредокот. Се уште сме убедени дека мултилатеразмот со сите негови грешки е начин да се мобилизира колективен одговор на воените кризи и предизвиците од различна природа.  Тие само сакаат да ја изберат својата иднина меѓу сојузниците. Ние го направивме истото кога ја покажавме нашата солидарност и ја избркавме Русија од Советот на Европа. Сѐ уште сме обединети во барањето на одговорност за извршените злодела. Почнавме да размислуваме и за тоа што правиме добро во Стразбур и каде можеме да се подобриме. А правиме многу добра, започнувајќи како мировен проект во 1949 година Советот се разви во светилник на надеж за милиони европејци преку европската конвеција за човекови права, истакна премиерот Ковачевски во своето обраќање.

Тој посочи дека нормите и стандардите придонесоа за подобрување на животот на нашите граѓани, а денес повеќе од кога било е важно Европа да остане обединета и Европа нема да биде обединета целосна и слободна и мирна без Балканот целосно интегриран во европското семејство.