Ковачевски и Тренчевска попладне на средба со пензионерите

 Премиерот Димитар Ковачевски и министерката за труд и социјална политика Јованка Тренчевска попладне ќе се сретнат со претставници на здруженијата на пензионери. 

Пензионерите во изминатиот период протестираа барајќи линеарно зголемување на пензиите. 

Владата со деветиот антикризен пакет предвиде мерки и за пензионерите со најниски примања. Во наредните пет месеци оние со пензија до 14 илјади денари ќе добиваат по 3.000 денари месечно, со пензија од 14 до 16 илјади денари по 2.000 денари месечно и оние со пензија од 16 до 19 илјади денари по 1.500 денари месечно. За таа намена се предвидени 35 милиони евра.

Ќе продолжи и финансиската поддршка за сметките за струја за домаќинствата со ниски приходи, корисници на гарантирана минимална помош и социјална пензија. За нив поддршката ќе изнесува 1.200 денари месечно во наредните шест месеци. Со оваа мерка за која се предвидени 5,9 милиони евра, опфатени се над 50 илјади корисници.