Кошаркарите на САД им се реваншираа на Французите и го освоија олимпиското злато

Кошаркарската репрезентација на САД рано утрово ја победи Франција со 87:82 во финалето на Олимпијадата во 2020 година. Со оваа победа, „дрим тимот“ им се реваншира на „триколорите“ за поразот во групната фаза.

Најефикасен играч на натпреварот беше Кевин Дурант со 29 поени.

Тимот САД стана олимписки шампион во кошарка по четврти пат во низа. Вкупно, Американците освоија 16 златни медали на Олимпијадите.

Франција по третпат стигна до сребрениот медал на Олимписките игри. Последен пат тоа се случи во 2000 година во Сиднеј.

Во натпревар за бронзениот медал на ОИ во Токио, денес од 13 часот ќе се соочат Словенија и Австралија.