Констракта во финале- Србија единствена од ексЈУ слави
Италија– На Евровизија во последните две децении видовме различни музички феномени, што секако е тема за посебна приказна, но сè уште немавме можност да видиме што работи белградската музичарка Ана Ѓуриќ, попозната по нејзиното уметничко име Констракта. Но, членовите на жирито и гледачите ја препознаа вредноста на нејзината песна „In corpore sano“, така што Констракта доби можност да ја претставува својата земја во финалето во сабота на 14 мај. Од екс-ЈУ земјите во финалето не се пласираа ниту Хрватска, Словенија, Црна Гора и Македонија.
Големи шанси и дадоа и букмејкерите. Според нив, српскиот претставник без никаков сомнеж требаше да обезбеди пласман во финалето. Таа настапи како трета од осумнаесет изведувачи, а моментално е десетта во генералниот пласман на обложувалниците. И со коефициенти кои се движат од 1:91 до 1:101, пред Холандија, Норвешка, Полска, Грција, Шпанија, Шведска, Велика Британија, Италија и Украина.
Директорот на преносот им обезбеди на Констракта и на нејзиниот тим најдобро место во зелената соба, па тие беа во кадар секогаш кога ќе се појави водителката од торинскиот Паласпорт Олимпико, но последни им го прочитаа името, па тензијата можеше да се сече со нож. Во втората квалификациска вечер, покрај Србија, последните настапи ги имаа Белгија, Чешка, Азербејџан, Полска, Финска, Естонија, Австралија, Шведска и Романија.
Поради емоциите во јавноста поврзани со руската инвазија на нивната земја, украинските музичари од оркестарот Калуш се сметаат за апсолутни фаворити на овогодинешното натпреварување. Нивните шанси за победа во моментов се, на пример, три пати поголеми од италијанските, па дури и педесет пати поголеми од оние на Констракта.
Меѓутоа, бидејќи Констракта во последните неколку недели од регионално чудо се претвори во можно изненадување на Евровизија во Торино, таа беше рекламирана од светските медиуми, кои навистина не знаат како да им го објаснат нејзиното значење и важност на своите читатели. Затоа, се што е на некој начин за публиката од слично говорно подрачје е очигледно.
“Некои евровизиски фанови реагираат многу добро на бизарната песна на Србија, која содржи необична референца за косата на Меган Маркл. Длабоко хидрираната коса на поранешната војвотка од Сасекс беше пофалена во песната “In Corpore Sano” на српската пејачка Констракта , напиша во својата рецензија новинар на британски Индипендент.
Латинскиот наслов на песната, провокативни стихови за нерегулираниот здравствен систем, перформанс во стилот на концептуалната уметничка изведба на Марина Абрамовиќ, миење раце со боросани на нозете и се друго што оди со тоа, предизвика очекувано внимание.
Во секој случај, познато е кои се најголемите обожаватели на 43-годишната белградска архитектка која никогаш не ја работела професијата за која студирала, но пред нејзината самостојна кариера настапувала како член на бендовите Mistakemistake и Zemlja gruva.
Но, затоа на универзитетот го запознала сопругот Милан Ѓуриќ, кој таму бил асистент. Тие се родители на 13-годишниот Никола и 11-годишната Лена, кои се најголеми фанови на Констракта.
„Констракта сама по себе е изведувач кој има свој специфичен правец и стил, голем интелектуалец и уметник кој може да се нарече „Марина Абрамович во музиката“. Нејзиниот настап ( кој има своја приказна и е детално осмислен: впрочем логично бидејќи и самата таа е архитект по професија) соодветствува на нејзината песна и затоа предизвика бура реакции низ цела Европа. Со самото тоа што името на песната и завршната строфа се на латински јазик веќе претставува своевиден преседан на Евровизија. Песната има многу едноставен ритам кој лесно се памти, а самата Констракта има неверојатна харизма и енергија на сцена, продорен поглед и пред се зрелост и сигурност во тоа што го прави. Мора да признам дека лично не сум некој голем љубител на таков вид на песни, иако ми се допаѓа и ја ценам интелектуалната подлога на целиот концепт и на нејзиниот пристап во музиката. Повеќе сум љубител на добра композиција и извонреден вокал и интерпретација, но и овој пристап го почитувам. Како и да е воодушевен сум од нејзиниот „Триптих“ и нејзината уникатност и затоа сум сигурен дека ќе има одличен пласман во Торино: бидејќи самата таа верува во тоа што го прави, а тоа е вистинскиот пат кон успехот“, изјави дизајнерот, костимограф и моден авторитет Александар Ношпал, во интервју за „Независен“ , кој 4 пати беше дел од екипата која ја претставуваше нашата земја на Евросонг (2000-ХХL, 2002-Каролина, 2004 Тоше и 2019 Тамара)
Фото: ЕБУ