Концерт „Музика за 30 прсти“ на „Есенски музички свечености“

Во рамки на фестивалот „Есенски музички свечености“ вечер од 19 часот во фоајето на Национална опера и балет концерт ќе имаат пијанистките Сара Пројковска, Марија Вршкова и Елена Атанасовска-Ивановска.

На програмата на концертот, насловен „Музика за 30 прсти“, се дела од Черни, Крас, Де Фаља, Рахманинов и Бајнов, соопшти Дирекцијата за култура и уметност на Скопје.

Влезот е слободен, но со ограничен број на публика и со претходна најава на телефоните  3165 064 и 3222 341 најдоцна до денеска во 11 часот или на електронската адреса: skleto@unet.com.mk.

Концертот се организира со почитување на здравствените протоколи за јавни настани.