Концерт и предавање на Драган Даутовски на 23 август на археолошкиот локалитет Врбјанска Чука

Драган Даутовски, сега во пензија, музиколошки експерт кој мајсторски свири на повеќе од 20 народни инструменти на археолошкиот локалитет Врбјанска Чука, ќе одржи концерт во недела (23-ти август) во 18:30 часот. Тој ќе биде пропратен со кратко предавање за оваа неолитска населба и нејзинината трансформација во антиката и средниот век.



Концертот е дел од традиционалните настани кои повеќе години се одржуваат на крајот од истражувањето на локалитетот Врбјанска Чука. На овој начин културното наследство повеќе се доближува до пошироката публика, но воедно на оваа неолитска населба ѝ се дава нов контекст претворајќи ја во концертен амбиент. А за оваа пригода веројатно нема посоодветен музичар од Драган Даутовски, кој со своето маестрално музицирање на неолитската топчеста флејта, ќе нѐ пренесе во светот на предисторијата и на Врбјанска Чука ќе ѝ го вдахне животот што таму бил присутен пред 8 000 години.



Настанот е во организација на Центарот за истражување на предисторијата, Прилепскиот џез викенд и Завод и музеј – Прилеп, со што се финализираат овогодишните археолошки ископувања на локалитетот Врбјанска Чука. Концертот а финансиски е подржан од Општина Кривогаштани, Општина Прилеп и компанијата Гурмано, и на него се поканети сите заинтересирани љубители на древната музика и предисториското минато.