Комеморација за Оливера Николова в петок во ДПМ
Комеморација за Оливера Николова (1936-2024), една од најчитаните и најнаградуваните автори за деца и возрасни, ќе се одржи во ДПМ в петок во 12 часот во главната сала на Друштвото на писателите на Македонија, на ул. „Максим Горки“ бр. 18 во Скопје.
Николова, со својата појава и творештво остави неизбришливи траги не само во нашето културно и општествено милје, туку и низ светот, и за чија личност и дело може да се зборува само со восхит и со извонредна благодарност.