Колони луѓе се собраа на последното испраќање на Навални – церемонијата може да доцни

Поранешниот руски опозициски лидер Алексеј Навални треба да биде погребан денеска, но членовите на неговиот тим тврдат дека сѐ уште се соочуваат со тешкотии при организирањето на церемонијата. Неговата портпаролка Кира Јармиш потврди дека не успеале да најдат погребна кола за да го однесат телото во црквата.

Во живо:

„Непознати лица се јавуваат во мртовечниците и им се закануваат ако прифатат да го преземат телото на Алексеј“, се пожали таа. Погребот треба да се случи во Марино, на периферијата на Москва. Планот е комеморацијата да започне во 14 часот по московско време (12 часот во Македонија) во црквата.

Погребот треба да се изврши на блиските гробишта Борисовски во 16 часот по московско време. Погребот ќе се пренесува во живо на Јутјуб каналот на Навални. Навални почина на 16 февруари во руски затвор во Арктичкиот круг.

Портпаролката на Навални: Телото сѐ уште не е предадено

Телото на Алексеј Навални не е предадено за да може да се одржи погребната церемонија, соопшти портпаролката на покојниот шеф на руската опозиција.

„Роднините пристигнаа во мртовечницата во 10 часот, кога требаше да го предадат телото на Алексеј. Телото сѐ уште не е предадено“, напиша Кира Јармиш на Икс.

Таа рече дека планираниот распоред на погребната церемонија „се уште не е променет“, но предупреди на можноста за одложување.

Луѓето почнаа да се собираат, стоејќи зад бариерите
До погребот на Алексеј Навални остануваат уште нешто повеќе од два часа, но ожалостените веќе почнаа да се собираат пред црквата каде што ќе се одржи комеморацијата.

Mosca. A due ore dai funerali di #Navalny, questa è la coda intorno alla chiesa dell’Icona della Madre di Dio. pic.twitter.com/Hn1x6jUsgy

— Marco Fattorini (@MarcoFattorini) March 1, 2024

Толпа луѓе, некои носеа цвеќиња, стоеја зад металните бариери околу црквата, каде што е присутна силна полициска заштита.

Во близина се стационирани и десетици полициски возила.