Колку долго можете да го оставите вашето куче само? Еве што велат ветеринарите

Да имаш куче значи да имаш распоред. Сè што правите мора да биде однапред договорено, а не е невообичаено да одбиете дружење со пријателите или ноќно излегување затоа што се чувствувате лошо кога вашето куче останува само дома.

Кучињата уживаат во друштвото на своите луѓе, но тоа не значи дека е нужно лошо или опасно да ги оставите сами дома. Секако, не треба да ги оставате предолго сами и треба да се погрижите времето што вашето куче го поминува само дома да биде што е можно попријатно.

Првото прашање што им доаѓа на ум на повеќето сопственици е колку долго кучето може да издржи без да оди на прошетка или да врши нужда. Ветеринарите велат дека кучињата во просек треба да уринираат три до пет пати на ден. Сепак, тоа е многу индивидуално прашање, и кученцата и постарите кучиња дефинитивно треба почесто да уринираат.

Ви ги пренесуваме вообичаените временски рамки во кои можете безбедно да го оставите вашето куче на мира, земајќи ја предвид неговата возраст.

Кученца
Еден час за секој месец на возраст (тримесечно кученце може да помине три часа без мокрење).

Возрасни кучиња (по една година)
Тие можат да бидат сами без прошетка до осум часа, но идеално би било до шест часа.

Кучиња постари од 8 години
Во зависност од нивната големина и здравје, но никогаш не треба да се оставаат сами повеќе од 6 часа.