Колина целосно ќе биде задолжен за ВАР технологијата


Меѓународната фудбалска федерација ќе ги преземе сите активности поврзани со функционирањето на системот ВАР, Премиер лигата, па дури и другите лиги, повеќе нема да можат самите да ја прилагодуваат примената на овој систем.

Претседателот на судискиот комитет на ФИФА, Пјерлуиџи Колина, ќе ја надгледува идната примена и употреба на системот ВАР и веќе објави дека системот за видео судииte ќе мора да се користи на ист начин ширум светот.

Оваа одлука значи дека нема да бидат можни слободни интерпретации за офсајд или игра со рака или, на пример, проверка дали голманот стоел на линија или не како што видовме досега, најчесто во Премиер лигата.

Националните федерации добија писма во кои се наведува дека судиската комисија на ФИФА ја презема контролата врз системот ВАР што досега го имал Управниот одбор на ФИФА (ИФАБ).

„Отсега, сите активности поврзани со ВАР се префрлаат на ФИФА, сите прашања што може да ги имате може да бидат упатени до судиската комисија“, се вели во писмото.

Пјерлуиџи Колина ќе ја преземе „контролата“ што ја имаа ИФАБ и нејзиниот технички директор досега, и поранешниот судија на Англија, Дејвид Елери. Одборот на ФИФА им даде можност на лигите самите да го толкуваат правилото и да го применат како што сакаат. Тоа веќе нема да биде случај.

Што се однесува до Премиер лигата, особено на судиите веќе им е наредено почесто да ги следат во текот на следната сезона и да се потпираат на сопствената проценка, а не на проценката на судијата во просторијата на ВАР. Судиите во Премиер лигата ќе треба да го користат системот ВАР за да проверат дали голманот се преселил од гол линијата за време на изведувањето на пеналите, што досега го игнорирале. Тие нема да можат да „гледаат поволно на ситуациите во кои дефанзивците топката ги удира во рака“.

Оваа одлука исто така значи дека Англија, Шкотска, Велс и Северна Ирска ќе имаат помалку влијание врз идните одлуки. Сите четири федерации имаат еден глас на Одборот, додека ФИФА има четири. Потребни се шест гласови за да се донесе одлука.

Исто така, таквата одлука ќе значи дека Арсен Венгер, кој сега е првиот човек на ФИФА за глобалниот развој на фудбалот, има големо влијание врз донесувањето одлуки во врска со системот ВАР.