Колесникова: Ми ставија ќесе врз главата и ми се заканија со убиство

Русија – Белоруската опозиционерка Марија Колесникова тврди дека безбедносните службеници и ставиле ќесе врз главата и и се заканиле дека ќе ја убијат кога неделава насилно се обиделе да ја депортираат во Украина, се наведува во изјавата што денеска ја поднел нејзиниот адвокат.

Британските медиуми пренесуваат дека Колесникова изјавила дека е искрено се исплашила за својот живот.

„Особено ми беше нагласено дека доколку не ја напуштам Република Белорусија доброволно, тие сигурно ќе ме протераат, жива или во делови. Имаше закани дека ќе ме стават во затвор до 25 години”, напишала Колесникова во изјавата.

Нејзиниот адвокат изјави дека Колесникова поднесува кривични пријави против белоруските власти, вклучувајќи ја и безбедносната полиција – КГБ.

Колесникова, истакнат лидер на протестите против реизборот на претседателот Александар Лукашенко, го спречи обидот да биде протерана од земјата, со тоа што го искинала својот  пасош.

Таа во моментов се наоѓа во притвор во Минск.

Колесникова била приведена под сомнение дека сторила предавство, како дел од кривичната постапка за обид за преземање на власта, ја цитираа руските меидуми изјавата на нејзиниот адвокат.

Во понеделникот беше објавена неофицијална информација дека оваа истакната опозиционерка „исчезна“, односно дека маскирани лица ја турнале во минибус. Информацијата беше објавена ден по масовните протести против Лукашенка во Минск за време на викендот.