Која е Марта Фашина на која Берлускони и остави- 100 милиони евра?
Милано– Никогаш нема да дознаеме дали на контроверзниот италијански милијардер Силвио Берлускони му здосадија моќта, парите и жените – трите работи на кои им го посвети својот долг и плоден живот. Но, сега е сосема јасно како поранешниот италијански премиер, медиумски магнат и сопственик на фудбалскиот клуб Милан, го подели своето огромно богатство, чија вредност во моментот на неговата смрт на 12 јуни – почина три месеци пред својот 87-ми роденден – беше проценет на речиси 7 милијарди долари.
Во адвокатската канцеларија беше одпечатен тестаментот на Берлускони и прочитан неговиот последен тестамент, според кој тој и оставил 100 милиони евра на својата последна животна сопатничка, 33-годишната Марта Фашина, 54 години помлада од него. Тој му оставил триесет милиони евра на својот советник, поранешниот сенатор и пријател Марчело Дел Утри, кој бил шокиран од оваа бројка, а сто милиони долари наследил и помладиот брат на Берлускони, Паоло. Двете најстари деца, Марина и Пјер Силвио, добија 53% од сопственоста во Фининвест, поделени на два еднакви дела, додека остатокот е подеднакво поделен меѓу неговите три преостанати деца, Барбара, Елеонора и Луиџи.
Тестаментот е рачно напишан во жолт тефтер и потпишан на 2 октомври минатата година, а русокосата Марта Фашина од Калабрија е, сите се согласуваат, нејзиниот најголем добитник. Таа беше назначена за официјална придружничка на Силвио Берлускони пред три години, кога портпаролот на партијата Форца Италија во официјално соопштение ја именуваше за нов партнер и официјален придружник на партискиот лидер.
Родена на 9 јануари 1990 година, Марта студирала на римскиот универзитет Сапиенца, а дипломирала книжевност и филозофија.
Нејзината рана политичка кариера започна со пишување написи за весник кој ја поддржуваше Форца Италија – партија која првично ја започна Берлускони.
Таа беше член на Комората на пратеници и работеше за фудбалскиот клуб Милан како прес-службеник.
Во март 2022 година, Берлускони симболично се „ожени“ со Марта со свадба во луксузната Вила Џернето во Лезмо без правна основа, во американски стил.