Кој и за колку пари наредил Светското првенство да се игра во Катар. Еве што вели Сеп Блатер
Светското фудбалско првенство во Катар започнува за 12 дена, а сега се огласи и Сеп Блатер (86), поранешниот претседател на ФИФА. Швајцарецот Блатер беше првиот човек на ФИФА од 1998 до 2015 година и под негова ингеренција Катар ја доби организацијата на Светското првенство, со што многумина и денес не се согласуваат. Блатер во интервју за швајцарските медиуми изјави:
„Изборот на Катар беше голема грешка, веќе беше договорено Русија да биде домаќин на Светското првенство во 2018 година, а САД да бидат домаќини на Светското првенство во 2022 година. Тоа требаше да биде гест на мир за тие две земји, бидејќи ќе добиеја можност да организираат едно Светско првенство по друго“, пренесува Индекс.хр.
Политиката влијаеше на одржувањето на Светското првенство
Седум дена пред Конгресот на ФИФА во 2010 година, имаше пресврт. Блатер тоа го објасни вака:
„Мишел Платини ми се јави и рече дека нема да биде возможно да го реализираме нашиот план. Тој ми кажа дека добил повик од францускиот претседател Саркози кој штотуку ја заврши средбата со првиот човек на Катар. “, се сеќава Блатер и продолжува.
„Саркози тогаш му кажал на Платини дека сака Катар да биде домаќин на Светското првенство. Јас бев против тоа, но Платини потоа ме праша што би направил ако претседателот побара нешто од мене. Му реков дека го немам тоа чувство бидејќи немаме претседател во Швајцарија.
На крајот, четирите гласови кои ги донесе Платини одлучија Катар да биде домаќин наместо САД. Вистина е.”
Наскоро излегува филм за превирањата во ФИФА
Блатер потоа објаснува: „Се разбира, сѐ беше до пари. Шест месеци подоцна, Катар купи борбени авиони за Франција, вредни речиси 15 милијарди долари“.
ФИФА е во неволја пред Светското првенство.
Пред почетокот на турнирот, на Нетфликс ќе биде објавен филм за мамење во ФИФА. Претходно беше објавен и официјалниот трејлер за FIFA Undercovered. Истражувачкиот документарен серијал ќе ги открие скандалите што се случиле во организацијата, пренесува Индекс.