Кој е Карлос Алкараз, новиот Рафаел Надал

Карлос Алкараз ја постигна најдобрата победа во својата просперитетна кариера, победувајќи го третиот светски рекет Стефанос Циципас со 6-3, 4-6, 7-6 (2), 0-6, 7-6 (5) за да стигне до четвртото коло УС Опен за прв пат.

Означен од многумина како следниот Рафаел Надал, 18-годишниот Шпанец уживаше во успесите во 2021. Тој ја освои својата прва АТП титула – Хрватска Опен – во јули и стигна барем до второто коло на секој Грен слем оваа година.

Но, победата над Циципас за четири часа и седум минути е несомнено неговиот најдобар резултат досега. Тој стана најмладиот играч што стигнал до четвртото коло на УС Опен по Пит Сампрас и Мајкл Чанг во 1989 година.

„Без оваа публика немаше да имам можност да победам на мечот “, рече тој по натпреварот на теренот.

„Паднав на почетокот на четвртиот сет, но ѝ благодарам на публиката што ме поттурна во петтиот сет. Неверојатно.

Ова е најдобриот натпревар во мојата кариера, најдобрата победа. За мене да го победам Стефанос Циципас… ми се оствари сонот“.

Алкараз во четвртото коло ќе игра против германскиот квалификант Петер Гојовчик.

Циципас влезе во натпреварот откако беше исвиркан на неговиот претходен натпревар поради земање продолжени паузи во тоалетот. Толпата очигледно беше на страната на светскиот број 54 чиј агресивен, разновиден тип на тенис им се допадна на многумина од гледачите на Флешинг Медоус.

„Тој може да биде кандидат за титули на Грен слем“, рече Циципас по натпреварот. „Тој има игра да биде таму“.

На последната точка од натпреварот, Алкарас испорача форхенд и се спружи на теренот. Таа ракета – неговата 61 на натпреварот – беше претставник на бестрашниот став што го покажа во текот на натпреварот во стадионот „Артур Еш“.

„Брзината на неговата топка беше неверојатна. Никогаш не сум видел некој толку силно да ја удира топката. Требаше време за прилагодување. Требаше време да ја развијам мојата игра околу неговиот стил на игра“, рече Циципас. „Тоа е еден од овие натпревари и едно од овие чувства кога го подигнувате [вашето ниво] во одреден момент од натпреварот, се чувствувате како да сте под контрола, и тоа навистина не ви оди од рака на крајот.

„Горчливо е, особено после неверојатниот четврти сет од моја страна во кој доминирав. Тоа беше одличен четврти сет. Но тој го одигра петтиот целосно како што го одигра првиот сет, безгрижно, при секој удар. Никогаш не сум видел некој да одигра толку добар петти сет, искрено“.

„Денес беше натпревар што не требаше да го загубам. Можам само да научам од тоа“, рече Циципас.