Клоп: Порто е тежок ривал, но ние сме во добра форма

Менаџерот на Ливерпул, Јирген Клоп смета дека утрешниот дуел со Порто од четвртфиналето на Лигата на Шампионите ќе биде многу поразличен од мечот во кој победија со 5: 0 против истиот ривал во Португалија минатата сезона.

– Порто е тежок ривал, но ние можеме да ја искористиме добрата форма, во која се наоѓаат момците во моментов. Порто се многу искусни. Тие располагаат со Икер Касиљас и секоја година се на врвот во португалското првенство заедно со Бенфика. Натпреварот ќе биде многу поразличен од оној што го одигравме минатата година. Тогаш дуелот во Португалија беше чуден. Бевме многу ефикасни. Порто започна добро, но потоа ние постигнавме два или три години на контранапад. Предноста утре е дека сме домаќини. Предноста за нив е мотивацијата од минатата година, изјави Клоп.

Менаџерот додаде дека Џо Гомез, кој се опорави од својата повреда, може да игра по околу две недели, откако има потреба од повеќе тренинзи.