Клоп: Ливерпул одигра добро, расположението и на реваншот со Виљареал треба да биде исто

Тренерот на Ливерпул, Јирген Клоп изрази задоволството на изданието на неговите избраници во полуфиналето од Лигата на шампионите со Виљареал.

„Црвените“ синоќа на „Енфилд“ победија со 2:0.

– Јасно беше дека треба да продолжиме да притискаме цел натпревар. Штом Виљареал го надмине притисокот, веднаш создава закана. Но, во најголем дел, завршивме одлична работа и одигравме многу добар натпревар. Се движевме многу добро во првото полувреме, требаше да се задржи оптимизмот и ставот. Засега се оди добро. Сега ќе одиме за Виљареал и ќе се обидеме да стигнеме до финалето. Во реваншот треба да бидеме претпазливи и да работиме со апсолутно ист став како и на првиот меч. Имаме предност 2:0 што не е лошо, подобро е од пред почетокот на натпреварот. Но, ние сме свесни дека се уште не сме ја завршиле работата, рече Клоп.

Реваншот е на 3 мај на теренот на Виљареал.