Клиниката „Св.Наум Охридски” – Скопје одбележува 60 години постоење

По повод 60 години од основањето на Универзитетската клиника за хируршки болести „Св.Наум Охридски” – Скопје, денеска ќе се одржи свечена академија.

Универзитетската Клиника за хируршки болести „Свети Наум Охридски“ – Скопје веќе 60 години со успех функционира во дијагностицирањето и третманот на хируршките болни како значаен дел во системот на јавните здравствени институции.

Во просторните капацитети на Kлиниката со површина од 7500 метри квадратни и капацитет за 100 лежечки болни, годишно се извршуваат повеќе од 200.000 амбулантско поликлинички услуги, прегледи, интервенции и дијагностички процедури. Се хоспитализираат околу 6000 пациенти и се извршуваат повеќе од 3800 оперативни зафати. Клиниката денес претставува современа хируршка установа чија кадровска структура е со вкупен број од 322 вработени.