Ќе продолжи со изградба надградбата на ООУ „Ацо Шопов“ во Радишани

Во заедничка соработка со Министерството за образование и наука ги надминавме проблемите со кои се соочивме при изведба на новата надградба на ООУ „Ацо Шопов”, информираше градоначалникот на Општина Бутел, Дарко Костовски преку социјалните мрежи.

Новиот објект ќе содржи нови четири училници, со модерен хол, тоалети и сите други неопходни простории.

„Оваа надградба ќе биде уште еден симбол за посветеноста на нашата општина за обезбедување на најдобри услови за нашите деца. Како градоначалник, ветив дека ваквите капитални инвестиции ќе бидат приоритетни и тоа го исполнуваме пред граѓаните на мојта општина, посочи Костовски.

Тој најави и нов мега-капитален проект во дворот на ООУ „Ацо Шопов”.